មន្រ្តីឧទ្យានុរក្សនៃមន្ទីរបរិស្ថានខេត្តក្រចេះ ក្នុងអំឡុងឆមាសទី១ (មករា-មិថុនា) ឆ្នាំ២០២៦ បានសហការជាមួយអាជ្ញាធរមូលដ្ឋានគ្រប់ថ្នាក់ អង្គការសង្គមស៊ីវិល អង្គការដៃគូ ដៃគូអភិវឌ្ឍន៍ និងប្រជាពលរដ្ឋនៃសហគមន៍តំបន់ការពារធម្មជាតិនានា បានចុះល្បាតទប់ស្កាត់ បទល្មើសធនធានធម្មជាតិ បានចំនួន ៩៣២លើក និងបានធ្វើការបង្រ្កាបបទល្មើសចំនួន ១៩៥ករណី ក្នុងតំបន់ការពារធម្មជាតិចំនួន៦ រួមមាន ដែនជម្រកសត្វព្រៃព្រៃឡង់ ដែនជម្រកសត្វព្រៃកែវសីមា ដែនជម្រកសត្វព្រៃព្រែកប្រសព្វ ដែនជម្រកសត្វព្រៃសំបូរ តំបន់ប្រើប្រាស់ច្រើនយ៉ាងសសរស្តម្ភសត្វតោ និងដែនជម្រកសត្វព្រៃលំផាត់ ក្នុងភូមិសាស្រ្តខេត្តក្រចេះ ដែលមានផ្ទៃដីសរុប ២៨៣ ៤០២ ហិកតា។

ការដាំកូនឈើនៅទីតាំងនេះ គឺកាន់តែបន្ថែមភាពស្រស់ស្អាតបៃតង ស្របពេលសមិទ្ធផលថ្មីសម្រាប់ស្រុកចិត្របុរី ត្រើយខាងកើត គឺស្ពានឆ្លងទន្លេ រួមនិងផ្លូវតភ្ជាប់សំខាន់ៗ ដែលទទួលបានពីរាជរដ្ឋាភិបាល ដូច្នេះសូមឲ្យបងប្អូនអ្នករស់នៅតំបន់នេះ និងអ្នកធ្វើដំណើរ ចូលរួមដែរក្សា និងដាំបន្ថែមទៅតាមលទ្ធភាពដី ។

កិច្ចប្រជុំពិគ្រោះយោបល់ និងផ្សព្វផ្សាយជាមួយភាគីពាក់ព័ន្ធ និងផែនការអនុវត្តគម្រោងក្រោមយន្តការការឥណទានកាបូនរួមគ្នា(រេដបូកព្រៃឡង់) នៅក្នុងភូមិសាស្ត្រខេត្តក្រចេះ

កិច្ចប្រជុំពិភាក្សា និងចុះពិនិត្យទីតាំងជាក់ស្ដែងលើគម្រោងស្វែងរុករករ៉ែលោហៈ ឃុំថ្មី ស្រុកចិត្របុរី ខេត្តក្រចេះ

មន្ត្រីជំនាញនៃមន្ទីរបរិស្ថានខេត្តក្រចេះ បានចុះបង្ក្រាប ឡធ្យូង១ទីតាំង មាន២ឡធ្យូង ស្ថិតក្នុងភូមិសាស្រ្ត ឃុំអូរគ្រៀង ស្រុកអូរគ្រៀងសែនជយ័ ខេត្តក្រចេះ

នៅព្រឹកថ្ងៃទី១២ ខែមិថុនា ឆ្នាំ២០២៦ ហង់ ចាន់ឌី អភិបាលរងខេត្តក្រចេះ បានអញ្ជើញជាគណៈអធិបតីក្នុងសិក្ខាសាលាពង្រឹងសមត្ថភាព ស្តីពីការទប់ស្កាត់ការបំពុលដោយប្លាស្ទិកនៅទន្លេមេគង្គ ដែលរៀបចំអគ្គនាយកដ្ឋានគោលនយោបាយ និងយុទ្ធសាស្ត្រ ក្រសួងបរិស្ថាន នៅសណ្ឋាគារ ហ័រ ប៊ុន្នី ខេត្តក្រចេះ ដោយមានការចូលរួមពីតំណាងរដ្ឋបាលខេត្តកំពង់ចាម រដ្ឋបាលខេត្តស្ទឹងត្រែង រដ្ឋបាលខេត្តកណ្ដាល រដ្ឋបាលខេត្តព្រៃវែង រដ្ឋបាលខេត្តត្បូងឃ្មុំ រាជធានីភ្នំពេញ និងតំណាងអង្គការដៃគូផងដែរ។