បាត់ដំបង៖ បេឡាជាតិសន្តិសុខសង្គម (ប.ស.ស) សាខាខេត្តបាត់ដំបង បានបើកសិក្ខាសាលាផ្សព្វផ្សាយ ស្តីពីការអនុវត្តរបបសន្ដិសុខសង្គមផ្នែកហានិភ័យការងារ និងផ្នែកថែទាំសុខភាព សម្រាប់មន្រ្តីសាធារណៈ ជូនដល់ថ្នាក់ដឹកនាំ និងមន្រ្តីរាជការក្រោមឱវាទរដ្ឋបាលខេត្តបាត់ដំបង ដែលប្រព្រឹត្តិទៅនាព្រឹកថ្ងៃទី០២ ខែវិច្ឆិកា ឆ្នាំ២០២៦ នៅសាលប្រជុំ ប.ស.ស. សាខាខេត្តបាត់ដំបង ដោយមានការអញ្ជើញចូលរួមពី ឯកឧត្តមបណ្ឌិត ហេង សុផាន់ណារិទ្ធ អគ្គនាយករងបេឡាជាតិសន្ដិសុខសង្គម តំណាង ឯកឧត្តម ម៉េង ហុង ប្រតិភូរាជរដ្ឋាភិបាលទទួលបន្ទុកជាអគ្គនាយកបេឡាជាតិសន្តិសុខសង្គម ឯកឧត្តម អេ សារុម សមាជិកក្រុមប្រឹក្សាខេត្តបាត់ដំបង និងលោក ទីន សារ៉ាវុធ អភិបាលរងខេត្តបាត់ដំបង។

បាត់ដំបង៖ សិស្សានុសិស្សក្លឹបសិក្សាកម្មវិធី “មនសិការពលរដ្ឋល្អ” វិទ្យាល័យព្រះមុន្នីវង្ស បានធ្វើទស្សនកិច្ចសិក្សា នៅស្ថានីយប្រព្រឹត្តកម្មទឹកកង្វក់ខាងលិចស្ទឹង ស្ថិតនៅក្នុងស្រុកឯកភ្នំ ខេត្តបាត់ដំបង ដែលប្រព្រឹត្តិនារសៀលថ្ងៃទី២៧ ខែតុលា ឆ្នាំ២០២៦ ដោយការអញ្ជើញចូលរួមពី លោកស្រី កឹម សុគន្ធារី អនុប្រធានមន្ទីរសាធារណៈការ និងដឹកជញ្ជូនខេត្តបាត់ដំបង និងមន្រ្តីជំនាញ។

បាត់ដំបង៖ លោក ធូ ភា អភិបាលរងខេត្តបាត់ដំបង នាព្រឹកថ្ងៃទី២០ ខែតុលា ឆ្នាំ២០២៦ បានដឹកនាំកិច្ចប្រជុំចម្រុះលើកទី២ ស្ដីពីកិច្ចសហការ និងវិធានការការពារសន្តិសុខ សុវត្ថិភាព និងសណ្ដាប់ធ្នាប់ សម្រាប់ការពិនិត្យបញ្ជីឈ្មោះ និងការចុះបោះឆ្នោតឆ្នាំ២០២៦ នៅសាលប្រជុំលេខាធិការដ្ឋានរៀបចំការបោះឆ្នោតខេត្តបាត់ដំបង ដោយមានការចូលរួមពីលោក សុខ ហ៊ីង ប្រធានលេខាធិការដ្ឋានរៀបចំការបោះឆ្នោតខេត្តបាត់ដំបង លោក លោកស្រី តំណាងយោធភូមិភាគទី៥ ស្នងការនគរបាលខេត្ត កងរាជអាវុធហត្ថខេត្ត តំបន់ប្រតិបត្តិការសឹករងខេត្ត តំណាង មន្ទីរអង្គភាពជុំវិញខេត្ត អភិបាលរងក្រុង ស្រុក និងតំណាងគណបក្សនយោបាយ សមាគម អង្គការមិនមែនរដ្ឋាភិបាល ព្រមទាំងមន្រ្តីរៀបចំការបោះឆ្នោតជាច្រើនរូបទៀត។

បាត់ដំបងៈ គណៈកម្មាធិការជាតិរៀបចំការបោះឆ្នោត បានបើកវគ្គអប់រំ ផ្សព្វផ្សាយ និងបញ្រ្ជាបការយល់ដឹង ស្តីពី សារៈសំខាន់នៃការបោះឆ្នោតនៅកម្ពុជា ជូនដល់តំណាងគណបក្សនយោបាយ សមាគម អង្គការមិនមែនរដ្ឋាភិបាល និងភាគីពាក់ព័ន្ធ ក្នុងក្រុង ស្រុក ខេត្តបាត់ដំបង ប្រព្រឹត្តទៅនាព្រឹកថ្ងៃទី១៩ ខែតុលា ឆ្នាំ២០២៦ នៅសាលប្រជុំមន្ទីរអប់រំ យុវជន និងកីឡាខេត្តបាត់ដំបង ដោយមានការអញ្ជើញចូលរួមពីលោក សាត់ សុវណ្ណ អគ្គនាយករងនៃអគ្គនាយកដ្ឋានអប់រំព័ត៌មាន និងទំនាក់ទំនងសាធារណៈ គ.ជ.ប លោក លាង វាសនា អភិបាលក្រុងបាត់ដំបង លោក សុខ ហ៊ីង ប្រធានលេខាធិការដ្ឋានរៀបចំការបោះឆ្នោតខេត្តបាត់ដំបង លោក លោកស្រី តំណាងយោធភូមិភាគទី៥ ស្នងការនគរបាលខេត្ត កងរាជអាវុធហត្ថខេត្ត តំបន់ប្រតិបត្តិការសឹករងខេត្ត តំណាង មន្ទីរអង្គភាពជុំវិញខេត្ត ក្រុមប្រឹក្សាក្រុង សង្កាត់ នាយក នាយិកា លោកគ្រូ អ្នកគ្រូ និងតំណាងគណបក្សនយោបាយ សមាគម អង្គការមិនមែនរដ្ឋាភិបាលជាច្រើនរូបទៀត។

បាត់ដំបងៈ ក្រុមប្រឹក្សាក្រុងបាត់ដំបង អាណត្តិទី៤ បានបើកកិច្ចប្រជុំសាមញ្ញលើកទី២៩ នាព្រឹកថ្ងៃ០៩ ខែតុលា ឆ្នាំ២០២៦ នៅសាលប្រជុំសាលក្រុងបាត់ដំបង ក្រោមការដឹកនាំកិច្ចប្រជុំដោយ លោក ធុច រ៉ា ប្រធានក្រុមប្រឹក្សាខេត្តបាត់ដំបង និងដោយមានការចូលរួមពី លោក សេក ចន្រ្តា អភិបាលស្តីទីក្រុងបាត់ដំបង លោក លោកស្រី សមាជិកក្រុមប្រឹក្សាក្រុង ប្រធាន អនុប្រធានការិយាល័យចំណុះឱ្យរដ្ឋបាលក្រុង កងកម្លាំងប្រដាប់អាវុធទាំងបីប្រភេទ អង្គការដៃគូអភិវឌ្ឍន៍ និងលោក លោកស្រី ចៅសង្កាត់ទាំង១០នៃក្រុងបាត់ដំបង។

បាត់ដំបង៖ ក្នុងឱកាស បុណ្យកាន់បិណ្ឌ និងភ្ជុំបិណ្ឌ ឯកឧត្តមបណ្ឌិត ចាយ បូរិន រដ្ឋមន្ត្រីក្រសួងធម្មការ និងសាសនា តំណាងដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងលោកជំទាវ បណ្ឌិត ពេជ ចន្ទមុន្នី ហ៊ុន ម៉ាណែត និងឯកឧត្តម សុខ លូ អភិបាលនៃគណៈអភិបាលខេត្តបាត់ដំបង បាននាំយកអង្ករ ជាទេយ្យទានដ៏ថ្លៃថ្លា របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងលោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត ប្រគេនដល់វត្តចំនួន១១១ ក្នុងខេត្តបាត់ដំបង ដែលមានការខ្វះខាត។ កម្មវិធីនេះ រៀបចំឡើង នារសៀលថ្ងៃទី៨ ខែតុលា ឆ្នាំ២០២៦ នៅក្នុងសាលាធម្មសភា វត្តពោធិមង្គលារាម ហៅវត្តពោធិ៍វាល សង្កាត់រតនៈ ក្រុងបាត់ដំបង។