ផលិតដោយ៖ មន្ទីរព័ត៌មានខេត្តសៀមរាប

ដើម្បីថែរក្សាសណ្តាប់ធ្នាប់ និងចរាចរក្នុងក្រុង ខណៈមានការគាំទ្រ និងចូលរួមពីប្រជាពលរដ្ឋដែលរងផលប៉ះពាល់

“ប្រាសាទភ្នំបូក”ជាទីកន្លែងដែលមានសក្ដានុពលទាក់ទាញភ្ញៀវទេសចរ ភ្នំបូកគឺជាភ្នំធម្មជាតិមានទេសភាពស្រស់បំព្រង ភ្ញៀវទេសចក៍អាចមើលឃើញថ្ងៃរះនិងថ្ងៃលិចយ៉ាងស្រស់ស្អាតថែមទៀតផង។ ប្រាសាទភ្នំបូកស្តិតនៅក្នុងសង្កាត់រុនតាឯក ក្រុងរុនតាឯកតេជោសែន ខេត្តសៀមរាប កសាងឡើងនៅចុងសតវត្សរ៍ ទី៩ និងដើមសតវត្សរ៍ ទី១០នៃរជ្ជកាលព្រះបាទយសោវរ្ម័នទី១។ ប្រាសាទនេះសាងពីថ្មភក់ ថ្មបាយក្រៀមនិងឥដ្ឋ ដែលមានប្រាង្គបី នៅលើខឿនតែមួយបែរទៅទិសខាងកើត ឧទ្ទិសដល់ព្រហ្មញ្ញសាសនា។

ពិធីបុណ្យ Halloween ត្រូវបានប្រារព្ធឡើងជារៀងរាល់ឆ្នាំនៅថ្ងៃទី ៣១ ខែតុលា ដោយមានការពេញនិយមយ៉ាងខ្លាំងតាមរយៈការរៀបចំកម្មវិធីកម្សាន្ត ការតុបតែងខ្លួនជាតួអង្គប្លែកៗ ឬខ្មោចព្រាយបិសាច និងការជួបជុំគ្នាយ៉ាងសប្បាយរីករាយ។ នៅប្រទេសកម្ពុជា ព្រឹត្តិការណ៍នេះត្រូវបានរៀបចំឡើងយ៉ាងកកកុញនៅតាមបណ្តាខេត្តក្រុងនានា ទាំងសម្រាប់មនុស្សពេញវ័យ និងការកម្សាន្តបែបលក្ខណៈគ្រួសារ។

ទិដ្ឋភាពនៃតំបន់ ផាប់ស្ទីត (Pub Street) ក្រុងសៀមរាប នា យប់ថ្ងៃទី៣១ ខែតុលា ឆ្នាំ២០២៦ នេះ ពោរពេញទៅដោយបរិយាកាសអ៊ូអរ ដោយសារត្រូវចំ រាត្រីបុណ្យ Halloween ផ្សារភ្ជាប់ជាមួយនឹងរដូវកាលទេសចរណ៍ (High Season)។ រូបភាពដោយ៖ លោក សៅ សំណាង

ប្រាសាទបន្ទាយស្រី គឺជាប្រាសាទបុរាណខ្មែរនាពាក់កណ្តាលសតវត្សទី១០ ដែលត្រូវបានកសាងឡើងដើម្បីឧទ្ទិសដល់ព្រះសិវៈ ក្នុងព្រហ្មញ្ញសាសនា។ ប្រាសាទនេះមានទីតាំងស្ថិតក្នុងតំបន់អង្គរ ក្បែរភ្នំដី ចម្ងាយប្រមាណ ២៥ គីឡូម៉ែត្រ ខាងទិសឦសាននៃក្រុមប្រាសាទសំខាន់ៗ ដែលធ្លាប់ជារាជធានីបុរាណ យសោធរបុរៈ និងអង្គរធំ។ ប្រាសាទបន្ទាយស្រីសាងសង់ឡើងភាគច្រើនអំពីថ្មភក់ពណ៌ផ្កាឈូក (ថ្មភក់ក្រហម) ដែលជាប្រភេទថ្មអំណោយផលដល់ការដាប់ឆ្លាក់ក្បាច់លម្អលើជញ្ជាំងយ៉ាងល្អិតឆ្មារ ដែលយើងនៅតែអាចមើលឃើញយ៉ាងច្បាស់រហូតមកដល់សព្វថ្ងៃ។ តួប្រាសាទទាំងមូលមានទំហំតូចច្រឡឹង បើប្រៀបធៀបទៅនឹងខ្នាតនៃសំណង់នានាក្នុងសម័យអង្គរ។ កត្តាទាំងនេះហើយដែលធ្វើឱ្យប្រាសាទនេះមានភាពល្បីល្បាញយ៉ាងខ្លាំងចំពោះភ្ញៀវទេសចរ និងត្រូវបានគេប្រសិទ្ធនាមថាជា "ត្បូងមានតម្លៃ" ឬ "គ្រឿងអលង្ការនៃសិល្បៈខ្មែរ"។