ស្រុករតនមណ្ឌល៖ រដ្ឋបាលស្រុករតនមណ្ឌល ខេត្តបាត់ដំបង បានរៀបចំប្រារព្ធទិវាសម្អាតអនាម័យបរិស្ថាន ក្រោមប្រធានបទ «សហគមន៍ស្អាត ដោយគ្មានសំណល់ប្លាស្ទិក» ដោយមានការចូលរួមពីមន្ត្រីរាជការ អាជ្ញាធរមូលដ្ឋាន និងប្រជាពលរដ្ឋក្នុងមូលដ្ឋាននាព្រឹកថ្ងៃទី២៣ ខែតុលា ឆ្នាំ២០២៦។

ស្រុកឯកភ្នំ៖ រដ្ឋបាលស្រុកឯកភ្នំ ខេត្តបាត់ដំបង បានរៀបចំយុទ្ធនាការសម្អាតអនាម័យ និងបរិស្ថានក្នុងភូមិសាស្ត្រស្រុកឯកភ្នំ ក្រោមអធិបតីភាព លោក ប៊ី សុភាព អភិបាលនៃគណៈអភិបាលស្រុកឯកភ្នំ នាព្រឹកថ្ងៃសុក្រ ទី២៣ ខែតុលា ឆ្នាំ២០២៦ ។

បាត់ដំបង៖ រដ្ឋបាលខេត្តបាត់ដំបង បានរៀបចំទិវាសម្អាតអនាម័យបរិស្ថាន ក្រោមប្រធានបទ “ចូលរួមយុទ្ធនាការសម្អាតភូមិដ្ឋានយើង” ត្រូវបានរៀបចំឡើង នាព្រឹកថ្ងៃទី២៣ ខែតុលា ឆ្នាំ២០២៦ នៅបរិវេណសួនច្បារវិមានឯករាជ្យ ស្ថិតនៅភូមិកម្មករ សង្កាត់ស្វាយប៉ោ ក្រុងបាត់ដំបង ក្រោមអធិបតីភាព ឯកឧត្តម សុខ លូ អភិបាលនៃគណៈអភិបាលខេត្តបាត់ដំបង និងដោយមានការអញ្ជើញចូលរួមពី លោក លោកស្រី ប្រធាន អនុប្រធានមន្ទីរ អង្គភាព ក្នុងខេត្ត លោកអភិបាលក្រុង ចៅសង្កាត់ ក្រុមប្រឹក្សាក្រុង សង្កាត់ និងលោកគ្រូ អ្នកគ្រូជាច្រើនរូបទៀត។

បាត់ដំបង៖ ដើម្បីឆ្លើយតបនឹងតម្រូវការចាំបាច់ និងកាត់បន្ថយការលំបាករបស់ប្រជាពលរដ្ឋក្នុងរដូវវស្សា ក្រុមការងាររាជរដ្ឋាភិបាលចុះមូលដ្ឋានឃុំវត្តតាមិម បានចុះអនុវត្តសកម្មភាពកាយប្រឡាយ និងដំឡើងប្រព័ន្ធលូរំដោះទឹក នៅតំបន់ទីប្រជុំជនភូមិស្លក្រាម ឃុំវត្តតាមិម ស្រុកសង្កែ ខេត្តបាត់ដំបង។

បាត់ដំបង៖ យោងតាមការណែនាំរបស់ឯកឧត្តម អភិបាលនៃគណៈអភិបាលខេត្តបាត់ដំបង ស្តីពីការចូលរួមសម្អាតលំនៅឋាន និងបរិស្ថានក្នុងមូលដ្ឋាន រដ្ឋបាលក្រុងបាត់ដំបង សូមអំពាវនាវដល់ម្ចាស់លំនៅឋាន ម្ចាស់ដីទំនេរ ម្ចាស់អាជីវកម្ម អាហារដ្ឋាន ភោជនីយដ្ឋាន ផ្ទះសំណាក់ សណ្ឋាគារ ក្រុមហ៊ុន សហគ្រាស មន្ទីរ-អង្គភាព គ្រឹះស្ថានអប់រំរដ្ឋ និងឯកជន វត្តអារាម ទីសក្ការបូជា ព្រមទាំងប្រជាពលរដ្ឋទាំងអស់ដែលរស់នៅក្នុងភូមិសាស្ត្រក្រុងបាត់ដំបង ចូលរួមធ្វើយុទ្ធនាការបោសសម្អាតភូមិឋាន។

បាត់ដំបង៖ ក្រុមមន្ត្រីជំនាញក្រសួងបរិស្ថាន សហការជាមួយអាជ្ញាធរ និងសមត្ថកិច្ចពាក់ព័ន្ធ កំពុងបន្តបេសកកម្មយ៉ាងសកម្ម ដើម្បីទប់ស្កាត់ និងសម្អាតសំណល់ប្រេងម៉ាស៊ូតប្រមាណ ១៩៨,០០០ លីត្រ ដែលបានលេចធ្លាយចេញពីទូរថភ្លើងក្រឡាប់ ស្ថិតក្នុងភូមិអណ្តូងចេញ សង្កាត់អូចារ ក្រុងបាត់ដំបង។