បាត់ដំបង៖ ឯកឧត្តម សុខ លូ អភិបាលនៃគណៈអភិបាលខេត្តបាត់ដំបង និងលោកជំទាវ ព្រមទាំងមាតាបិតា ក្រុមគ្រួសារ មន្ត្រីរាជការ កងកម្លាំងប្រដាប់អាវុធ និងពុទ្ធបរិស័ទជាច្រើនរូប បានមូលមតិគ្នាជាឯកច្ឆន្ទផ្ដួចផ្ដើមរៀបចំពិធីបុណ្យកឋិនទានសាមគ្គី ដង្ហែអង្គកឋិនទៅវេរប្រគេនព្រះសង្ឃដែលគង់ចាំព្រះវស្សាអស់ត្រីមាស ក្នុងពុទ្ធសីមាវត្តពោធិវាល ស្ថិតក្នុងក្រុងបាត់ដំបង ខេត្តបាត់ដំបង។

សម្ដេចព្រះមហាអរិយវង្ស បណ្ឌិត យ៉ន សេងយៀត ព្រះអនុប្រធានលេខាធិការដ្ឋាន គណៈសង្ឃនាយក នៃព្រះរាជាណាចក្រកម្ពុជា និងជាតំណាងដ៏ខ្ពង់ខ្ពស់របស់សម្ដេចព្រះមហាសុមេធាធិបតី អំ លឹមហេង សម្ដេចព្រះសង្ឃនាយក នៃព្រះរាជាណាចក្រកម្ពុជា បាននិមន្តជាព្រះអធិបតីដ៏ខ្ពង់ខ្ពស់ក្នុងពិធីបុណ្យស្រោចស្រពសុគន្ធវារី ប្រគេនព្រះពុទ្ធរស្មី យឿម រដ្ឋសភា ព្រះរាជាគណៈកិត្តិយស និងជាព្រះអនុគណក្រុងបាត់ដំបង ព្រមទាំងព្រះអនុគណចំនួន ៥ ព្រះអង្គទៀត នៃក្រុងបាត់ដំបងដែលបានប្រព្រឹត្តទៅនៅថ្ងៃពុធ ១០ កើត ខែអស្សុជ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២១ ខែតុលា ឆ្នាំ២០២៦ កន្លងទៅនេះ។

បាត់ដំបង៖ ឯកឧត្តម អ៊ុយ រី ប្រធានក្រុមប្រឹក្សាខេត្តបាត់ដំបង ឯកឧត្តម សុខ លូ អភិបាល នៃគណៈអភិបាលខេត្តបាត់ដំបង និងលោកជំទាវ ម៉េត រ៉ាវីចិត្រ សុខ លូ ព្រមទាំងលោកជំទាវ កាំង ណៃគួយ ស រដ្ឋា រួមជាមួយមន្រ្តីរាជការក្នុងខេត្តបានអញ្ជើញចូលរួមពីធីកាន់បិណ្ឌ បុណ្យភ្ជុំបិណ្ឌវេនទី១១ ប្រគេនជូនវត្តចំនួន១៥ ក្នុងខេត្តបាត់ដំបង ដែលប្រព្រឹត្តទៅនារសៀលថ្ងៃទី០៦ ខែតុលា ឆ្នាំ២០២៦ នៅវត្តពោធិ៍វាល ស្ថិតក្នុងសង្កាត់រតនៈ ក្រុងបាត់ដំបង។

បាត់ដំបងៈ ព្រះចៅអធិការ និងគណៈកម្មការអាចារ្យ ព្រមទាំងពុទ្ធបរិស័ទ វត្តសរភ្យារាម ហៅវត្តសូភី តែងតែរៀបចំបុណ្យកាន់បិណ្ឌ និងភ្ជុំបិណ្ឌ ជារៀងរាល់ឆ្នាំ ក្នុងការថែរក្សា នូវព្រះពុទ្ធសាសនាឱ្យបានភ្ជាប់ខ្ជួន ទៅតាមគន្លងប្រពៃណីខ្មែរ។ វត្តសរភ្យារាម ហៅវត្តសូភី មានទីតាំងស្ថិតនៅក្នុងភូមិសូភី១ សង្កាត់រតនៈ ក្រុងបាត់ដំបង វត្តសរភ្យារាម ហៅវត្តសូភី នាព្រឹកថ្ងៃទី០២ ខែតុលា ឆ្នាំ២០២៦ ត្រូវនឹងវេនទី៦ មានពុទ្ធបរិស័ទមកចូលរួមកម្មវិធីបុណ្យជាហូរហែរ ដោយបាននាំយកនូវទេយ្យវត្ថុ និងបច្ច័យមួយចំនួនយកមកប្រគេនដល់ព្រះសង្ឃ នឹងសូមឧទ្ទិសបួងសួងទៅដល់ញាតិការទាំងប្រាំពីសន្តាន ដែលបានចែកឋានទៅហើយសូមមកទទួលនូវផល្លាអានិសង្ឃនេះកុំបីអាក់ខានឡើយ។

បាត់ដំបង៖ ក្នុងរដូវកាលពិធីបុណ្យកាន់បិណ្ឌ៤ និងភ្ជុំបិណ្ឌ ត្រូវនឹងព្រឹកថ្ងៃទី៣០ ខែកញ្ញា ឆ្នាំ២០២៦ លោក រ៉ាត សូរ៉ា អនុប្រធានមន្ទីរធម្មការ និងសាសនាខេត្តបាត់ដំបង បានណែនាំដល់គ្រប់ទីអារាម នៅក្នុងខេត្តបាត់ដំបង ពេលមានការសម្តែងធម៌ទេសនា ត្រូវបញ្រៀបអំពីផលប៉ះពាល់នៃការប្រើប្រាស់គ្រឿងញៀន និងបញ្ជៀបច្បាប់ចរាចរណ៍ដល់គ្រប់ស្រទាប់យុវវ័យ និងប្រជាពលរដ្ឋ។

បាត់ដំបង៖ ពុទ្ធបរិស័ទខេត្តបាត់ដំបង ដែលមានជំនឿគោរពតាមទំនៀមទម្លាប់ប្រពៃណី បានជួបជុំគ្នា រៀបចំកាន់វេនដាក់បិណ្ឌតាមវត្តអារាមនានា ដើម្បីរំលឹកនឹកគុណ និងឧទ្ទិសកុសលជូនដល់បុព្វការីជន មានមាតាបិតា និងវីរយុទ្ធជនពលីដែលបានចែកឋានទៅ ព្រមទាំងថែរក្សាទំនៀមទម្លាប់ប្រពៃណីខ្មែរដែលមានតាំងពីបុរាណកាល។