ក្រសួងអភិវឌ្ឍន៍ជនបទ បានដឹកនាំគណ:កម្មការអន្តរក្រសួង ចុះត្រួតពិនិត្យ និងវាយតម្លៃបញ្ចប់ រយៈពេល ធានាសុពលភាព លើការងារថែទាំខួបលើផ្លូវក្រាលល្បាយគ្រួស ចំនួន១ខ្សែ ប្រវែង៩ ៦០០មែត្រនិងសាងសង់លូ ចំនួន៦កន្លែង
ឯកឧត្តម ផូ ផារិទ្ធ រដ្ឋលេខាធិការក្រសួងអភិវឌ្ឍន៍ជនបទ បានដឹកនាំគណ:កម្មការអន្តរក្រសួង រួមមានក្រសួងអភិវឌ្ឍន៍ជនបទ និងតំណាងក្រសួងសេដ្ឋកិច្ច និងហិរញ្ញវត្ថុ ចុះត្រួតពិនិត្យ និងវាយតម្លៃបញ្ចប់រយៈពេលធានាសុពលភាព លើការងារថែទាំខួប ផ្លូវក្រាលល្បាយគ្រួសចំនួន ១ខ្សែ ប្រវែង ៩ ៦០០មែត្រ ទទឹង ៦មែត្រ កម្រាស់០,២មែត្រ សាងសង់លូមូលមុខពីរ មុខកាត់១មែត្រ ប្រវែង៨មែត្រ ចំនួន ១កន្លែង និងលូមូលមុខមួយ មុខកាត់១មែត្រ ប្រវែង៨មែត្រ ចំនួន៥កន្លែង ស្ថិតនៅក្នុង ឃុំសោប និងឃុំជ្រោយបន្ទាយ ស្រុកព្រែកប្រសព្វ ខេត្តក្រចេះ ក្នុងដំណើរចុះត្រួតពិនិត្យ ក៏មានអញ្ជើញ អមដំណើរដោយ លោក លឹម ជាវហាវ ប្រធានមន្ទីរអភិវឌ្ឍន៍ជនបទខេត្តក្រចេះ និងមន្ត្រីពាក់ព័ន្ធផងដែល នាថ្ងៃទី០២ ខែកក្កដា ឆ្នាំ២០២៦ ។
