ស្ទឹងត្រែង៖ នៅថ្ងៃទី០២ ខែតុលា ឆ្នាំ២០២៦ ឯកឧត្តម សរ សុពុត្រា អភិបាលនៃគណៈអភិបាលខេត្តស្ទឹងត្រែង បានដឹកនាំកិច្ចប្រជុំត្រួតពិនិត្យវឌ្ឍនភាពការងាររបស់អនុគណៈកម្មាធិការវិនិយោគខេត្ត និងក្រុមការងារសម្របសម្រួលការអនុវត្តកម្មវិធីជំរុញការវិនិយោគខេត្តភូមិភាគឦសាន នៅខេត្តស្ទឹងត្រែង។

ស្ទឹងត្រែង៖ ខេត្តស្ទឹងត្រែងនឹងមានព្រឹត្តិការណ៍ និងពិធីបុណ្យសំខាន់ៗចំនួន ៦ ក្នុងអំឡុងខែតុលា ឆ្នាំ២០២៦នេះ ដោយរាប់ចាប់ពីពិធីបុណ្យប្រពៃណី ពិធីជាតិ រហូតដល់ព្រឹត្តិការណ៍ការទូតអន្តរជាតិ។ ដើម្បីធានាឱ្យការរៀបចំព្រឹត្តិការណ៍ទាំងនេះប្រព្រឹត្តទៅដោយរលូន រដ្ឋបាលខេត្តបានដាក់ចេញការត្រៀមលក្ខណៈ និងបែងចែកភារកិច្ចជូនមន្ទីរ អង្គភាព និងភាគីពាក់ព័ន្ធ។

ស្ទឹងត្រែង៖ នារសៀលថ្ងៃទី០១ ខែតុលា ឆ្នាំ២០២៦ លោក ម៉ែន គុង អភិបាលរងខេត្តស្ទឹងត្រែង តំណាងឯកឧត្តម សរ សុពុត្រា អភិបាលខេត្ត បានដឹកនាំកិច្ចប្រជុំពិនិត្យសេចក្តីព្រាងរបាយការណ៍វឌ្ឍនភាពការងារប្រចាំខែកញ្ញា ឆ្នាំ២០២៦ និងលើកទិសដៅការងារបន្តរបស់រដ្ឋបាលខេត្ត។

ស្ទឹងត្រែង៖ នៅថ្ងៃទី១ ខែតុលា ឆ្នាំ២០២៦ នៅសាលប្រជុំតូចសាលាខេត្តស្ទឹងត្រែង បានរៀបចំសិក្ខាសាលាផ្សព្វផ្សាយប្រកាសអន្តរក្រសួង ស្តីពី «លក្ខខណ្ឌនៃការចេញបណ្ណបើកបរសម្រាប់ជនមានពិការភាព» ក្រោមអធិបតីភាព ឯកឧត្តម អ៊ុង សម្បត្តិ អគ្គលេខាធិការដ្ឋានក្រុមប្រឹក្សាសកម្មភាពជនពិការ និងលោក ស្រ៊ន សំឫទ្ធី អភិបាលរងខេត្តស្ទឹងត្រែង តំណាងឯកឧត្តម សរ សុពុត្រា អភិបាលនៃគណៈអភិបាលខេត្ត។

ខេត្តស្ទឹងត្រែង៖ នៅថ្ងៃទី១ ខែតុលា ឆ្នាំ២០២៦ ឯកឧត្តម ម៉ែន គុង អភិបាលរងនៃគណៈអភិបាលខេត្ត និងជាប្រធានលេខាធិការដ្ឋានគ្រប់គ្រងគ្រោះមហន្តរាយខេត្តស្ទឹងត្រែង បានអញ្ជើញជាអធិបតីក្នុងពិធីបើក «សិក្ខាសាលាពិគ្រោះយោបល់លើលទ្ធផលនៃការសិក្សាស្រាវជ្រាវអំពីបរិយាបន្ននៃប្រព័ន្ធប្រកាសឱ្យដឹងមុន (Early Warning System - EWS) ក្នុងការគ្រប់គ្រងគ្រោះមហន្តរាយ ក្នុងមូលដ្ឋានគោលដៅនៃខេត្តស្ទឹងត្រែង» ដែលបានប្រព្រឹត្តទៅនៅសណ្ឋាគារអង្គរមាស ស្ថិតក្នុងក្រុងស្ទឹងត្រែង ខេត្តស្ទឹងត្រែង។

ខេត្តស្ទឹងត្រែង៖ នៅថ្ងៃទី០១ ខែតុលា ឆ្នាំ២០២៦ នេះ អង្គភាពអនុវត្តកម្មវិធីថ្នាក់ខេត្តស្ទឹងត្រែង ដឹកនាំដោយ លោក សយ គា អនុប្រធានមន្ទីរអភិវឌ្ឍន៍ជនបទខេត្ត និង លោក លំ សេរីគុត ប្រធានមន្ទីរធនធានទឹក និងឧតុនិយមខេត្ត បានសហការជាមួយមន្ទីរ-អង្គភាពពាក់ព័ន្ធ តំណាងមន្ទីរបរិស្ថានខេត្ត អាជ្ញាធរមូលដ្ឋានរួមមាន មេឃុំ មេភូមិ ព្រមទាំងគណៈកម្មការគ្រប់គ្រងទឹកសហគមន៍ បានចុះពិនិត្យទីតាំងប្រភពទឹកអូរបន្ថែម ស្ថិតនៅភូមិវាលដេញ ឃុំអន្លង់ជ្រៃ ស្រុកថាឡាបរិវ៉ាត់ ខេត្តស្ទឹងត្រែង។