នៅថ្ងៃទី១-ទី២ ខែតុលា ឆ្នាំ២០២៦នេះ រដ្ឋបាលឃុំព្រាល ដឹកនាំដោយលោក សុត សម្បត្តិ មេឃុំព្រាល រួមជាមួយសមាជិកក្រុមប្រឹក្សាឃុំ លោកមេភូមិត្រពាំងសេះ និងមានការចូលរួមយ៉ាងសកម្មពីសំណាក់ប្រជាពលរដ្ឋនៅក្នុងភូមិ បានរួមគ្នារៀបចំទិញថ្មផេះយកមកចាក់ក្រាល និងសម្រួលលើផ្លូវខ្នងប្រឡាយព្រែកជីក។

កាលពីព្រឹកថ្ងៃទី១ ខែតុលា ឆ្នាំ២០២៦ លោក លាត ភិរុណ អភិបាលរង នៃគណៈអភិបាលខេត្តព្រៃវែង បានអញ្ជើញជាអធិបតីភាពក្នុង កិច្ចប្រជុំផ្សព្វផ្សាយពិគ្រោះយោបល់លើការងារផ្តល់សេវានៅអង្គភាពច្រកចេញចូលតែមួយខេត្ត ការិយាល័យច្រកចេញចូលតែមួយស្រុក និងយន្តការច្រកចេញចូលតែមួយឃុំ ក្នុងស្រុកបាភ្នំ ខេត្តព្រៃវែង ដែលបានប្រព្រឹត្តទៅនៅសាលប្រជុំសាលាស្រុកបាភ្នំ។

នៅថ្ងៃទី១ ខែតុលា ឆ្នាំ២០២៦ រដ្ឋបាលឃុំស្ដៅកោង បានចុះអនុវត្តសកម្មភាពឈូសឆាយ និងចាក់ដីបំពេញក្រឡុកផ្លូវ១ខ្សែ ដែលមានប្រវែងសរុប ៦,០០០ម៉ែត្រ (៦គីឡូម៉ែត្រ) ដើម្បីសម្រួលដល់ការធ្វើដំណើររបស់ប្រជាពលរដ្ឋនៅក្នុងមូលដ្ឋាន។

នៅថ្ងៃទី១ ខែតុលា ឆ្នាំ២០២៦ ឆ្លៀតក្នុងឱកាសអញ្ជើញចូលរួមធ្វើបុណ្យកាន់បិណ្ឌទី៥ នៃពិធីបុណ្យភ្ជុំបិណ្ឌ នៅវត្តព្រះឈរ ស្ថិតក្នុងឃុំព្រៃឈរ ស្រុកកំពង់ត្របែក ខេត្តព្រៃវែង ឯកឧត្តម ស្បោង សារ៉ាត ប្រធានក្រុមប្រឹក្សាខេត្តព្រៃវែង រួមជាមួយសហការី បានអញ្ជើញចុះពិនិត្យមើលសកម្មភាព និងវឌ្ឍនភាពនៃការសាងសង់ខ្លោងទ្វារសាលាបឋមសិក្សា ស្បោង សារ៉ាត ស៊ាន ឈុនហេង ព្រះឈរ។

ជូនដំណឹងស្តីពីការចែកវិញ្ញាបនបត្រសម្គាល់ម្ចាស់អចលនវត្ថុ និងមោឃភាពនៃប័ណ្ណសម្គាល់សិទ្ធិកាន់កាប់ប្រើប្រាស់ដីធ្លី ឫប័ណ្ណសម្គាល់សិទ្ធិកាន់កាប់អចលនវត្ថុ នៅភូមិត្រពាំងកកោះ ឃុំព្រាល ស្រុកកញ្ជ្រៀច ខេត្តព្រៃវែង។ នៅថ្ងៃទី១-២ ខែតុលា ឆ្នាំ២០២៦ ទីតាំងចែកនៅភូមិត្រពាំងកកោះ។

នៅព្រឹកថ្ងៃទី០១ ខែតុលា ឆ្នាំ២០២៦ ឯកឧត្តម សួន សុម៉ាលីន អភិបាលនៃគណៈអភិបាលខេត្តព្រៃវែង រួមជាមួយថ្នាក់ដឹកនាំខេត្ត ប្រធានមន្ទីរ-អង្គភាពជំនាញពាក់ព័ន្ធ អភិបាលស្រុកព្រះស្ដេច និងអាជ្ញាធរឃុំ បានអញ្ជើញចុះត្រួតពិនិត្យដោយផ្ទាល់នូវស្ថានភាពផ្លូវលំ ដែលកំពុងរងផលប៉ះពាល់ និងខូចខាតនៅក្នុងរដូវវស្សានេះ ស្ថិតក្នុងភូមិសាស្ត្រស្រុកព្រះស្ដេច ខេត្តព្រៃវែង។