ព័ត៌មានក្នុងខេត្ត

កំណាត់ផ្លូវខេត្តលេខ ៣៧១ ក្នុងឃុំខ្សាច់អណ្តែត ស្រុកឆ្លូង ខេត្តក្រចេះ បាននិងកំពុងកែលម្អលើកកម្ពស់កម្រិតគុណភាពផ្លូវ

ពិធីបញ្ចុះបឋមសិលា សាងសង់មន្ទីរបក្សឃុំកន្ទួត ស្រុកចិត្របុរី ខេត្តក្រចេះ

មន្ទីររៀបចំដែនដី នគរូបនីយកម្ម សំណង់ និងសុរិយោដីខេត្តក្រចេះ បានរៀបចំពិធីបិទផ្សាយជាសាធារណៈនូវឯកសារវិនិច្ឆ័យភូមិ កោះសំ ភូមិតាងួន ភូមិវឌ្ឍនៈ ភូមិអន្លង់ព្រះគោ និងភូមិព្រែកគ្រៀង ឃុំវឌ្ឍនៈ ស្រុកសំបូរ ខេត្តក្រចេះ នាព្រឹកថ្ងៃទី១០ ខែមិថុនា ឆ្នាំ២០២៦ ក្រោមអធិបតីភាពលោក ចេង គឹមជប់ អភិបាលរងស្រុកសំបូរ និងលោក យិន បូទុម អនុប្រធានមន្ទីររៀបចំដែនដី នគរូបនីយកម្ម សំណង់ និងសុរិយោដីខេត្តក្រចេះ ដោយមានការចូលរួមពីលោក លោកស្រី មន្ទីរ អង្គភាពពាក់ព័ន្ធ និងប្រជាពលរដ្ឋជាម្ចាស់ក្បាលដីជាច្រេីននាក់ផងដែរ។

នៅថ្ងៃទី​៨​ ខែមិថុនា​ ឆ្នាំ​២០២៦​ ក្រុមការងារ​ការិយាល័យ​សុរិយោដី​ និងភូមិសាស្រ្ត​ សហការជាមួយ​អាជ្ញាធរភូមិឈ្នៃ ចុះចែកបណ្ណកម្មសិទ្ធិ(ប្លង់រឹង)​ តាមខ្នងផ្ទះជូនបងប្អូនប្រជាពលរដ្ន ភូមិឈ្នៃ​ ឃុំឆ្លូង​ ស្រុកឆ្លូង​ ខេត្ត​ក្រចេះ​។

អភិបាលក្រុងក្រចេះ ដឹកនាំមន្ត្រីរាជការរដ្ឋបាលក្រុង ដាំដើមឈើនៅតាមដងផ្លូវថ្មីក្រុងក្រចេះ ខេត្តក្រចេះ

ថ្លែងក្នុងពិធីបើកការដ្ឋានសាងសង់លើកកម្រិតគុណភាពផ្លូវលេខ ២៦០បេ ៧អា ពីរោងចក្រស៊ីម៉ង់ត៍ នៅស្រុកសំបូរ ដើម្បីតភ្ជាប់ទៅកំពង់ផែពហុបំណង ស្ថិតនៅឃុំព្រែកប្រសព្វ ស្រុកព្រែកប្រសព្វ ដែលទទួលការសាងសង់ពីក្រុមហ៊ុន ខេ.ភី ស៊ីមេន អ៊ិនដាស្រ្ទី ឯ.ក នាថ្ងៃទីត្រូវនឹងទី២៥ ខែឧសភា ឆ្នាំ២០២៦ ឯកឧត្ដម នូ សុវត្ថិ រដ្ឋលេខាធិការក្រសួងសាធារណការ និងដឹកជញ្ជូន តំណាងឯកឧត្ដម ប៉េង ពោធិ៍នា រដ្ឋមន្រ្តីក្រសួងសាធារណការ និងដឹកជញ្ជូន បានសម្តែងនូវសេចក្ដីសោមនស្សរីករាយ ជាមួយបងប្អូនប្រជាពលរដ្ឋរស់នៅតំបន់នេះ ដែលទទួលការបើកការដ្ឋានសាងសង់លើ​ក​កម្រិតគុណភាពផ្លូវនាពេលនេះ ដែលមានប្រវែង ៨០គីឡូម៉ែត្រ ទទឹង ៦ម៉ែត្រ និងចញ្ចើម ១ម៉ែត្រសងខាង ជាប្រភេទផ្លូវក្រាលកៅស៊ូ DBST ។

AKP កំពង់ធំ ថ្ងៃទី២៣ ខែមេសា ឆ្នាំ២០២៦--ក្រសួងរ៉ែ និងថាមពល រួមជាមួយរដ្ឋបាលខេត្តកំពង់ធំ និងរដ្ឋបាលខេត្តក្រចេះ បានរៀបចំកម្មវិធីដាក់ឱ្យដំណើរការជាផ្លូវការរោងចក្រចម្រាញ់រ៉ែមាសរបស់ក្រុមហ៊ុន ខេមបូឌាន ខេ៨៨ អ៊ិន ដាសស្រី ឯ.ក (Cambodian K88 Industry Co., Ltd.) ស្ថិតនៅតំបន់ស្នងអន ឃុំសុចិត្រ ស្រុកសណ្តាន់ ខេត្តកំពង់ធំ និងស្រុកសំបូរ ខេត្តក្រចេះ នាថ្ងៃទី២២ ខែមេសា ឆ្នាំ២០២៦នេះ ក្រោមអធិបតីភាពឯកឧត្តម កែវ រតនៈ រដ្ឋមន្ត្រីក្រសួងរ៉ែនិងថាមពលដោយមានការអញ្ជើញចូលរួមពីសំណាក់ ឯកឧត្តម លោកជំទាវ ថ្នាក់ដឹកនាំក្រសួងរ៉ែនិងថាមពល ឯកឧត្តម នួន ផារ័ត្ន អភិបាលនៃគណៈអភិបាលខេត្តកំពង់ធំ និងឯកឧត្តម វ៉ា ថន អភិបាលនៃគណៈអភិបាលខេត្តក្រចេះ មន្ត្រីរាជការនៃក្រសួងរ៉ែនិងថាមពល ព្រមទាំង បុគ្គលិក-កម្មកររបស់ក្រុមហ៊ុនជាច្រើនរូប។