ព័ត៌មានក្នុងខេត្ត

ការពិតមិនអាចលុបបំបាត់បានដោយសេចក្តីថ្លែងការណ៍បដិសេធណាមួយឡើយ ព្រោះភស្តុតាងជាក់ស្តែងនៃសកម្មភាពឈ្លានពានប្រដាប់អាវុធរបស់យោធាថៃ នៅលើទឹកដីកម្ពុជា នៅតែបន្តនិយាយដោយខ្លួនឯង

ខិត្តបណ្ណសំណួរ-ចម្លើយ ស្ដីពីការពិនិត្យបញ្ជីឈ្មោះ និងការចុះឈ្មោះបោះឆ្នោតឆ្នាំ២០២៦

បច្ចុប្បន្នភាពស្តីពី « ការវិវត្តស្ថានភាពព្រំដែនកម្ពុជា-ថៃ និងព្រឹត្តិការណ៍ថ្មីៗដែលកើតឡើង » នៅទីស្តីការគណៈរដ្ឋមន្ត្រី ថ្ងៃទី៧ ខែសីហា ឆ្នាំ២០២៦

កម្លាំងជំនាញអត្តសញ្ញាណកម្មនៃស្នងការដ្ឋាននគរបាលខេត្តក្រចេះ ប្រើប្រាស់រថយន្តចល័ត សហការជាមួយផែនជំនាញស្រុក ចុះផ្តល់អត្តសញ្ញាណបណ្ណសញ្ជាតិខ្មែរ ជូនប្រជាពលរដ្ឋស្ថិតក្នុងភូមិព្រៃគោ ឃុំដំរីផុង ស្រុកឆ្លូង ខេត្តក្រចេះ

ក្នុងឱកាសចូលព្រះវស្សា ឆ្នាំ២០២៦នេះ ឯកឧត្តម រឿង ថារ័ត្ន ប្រធានក្រុមការងាររាជរដ្ឋាភិបាលចុះមូលដ្ឋានឃុំគោលាប់ ស្រុកចិត្របុរី ខេត្តក្រចេះ រួមជាមួយ លោកជំទាវ ប៊ុន ស៊ីថូត សមាជិកក្រុមប្រឹក្សាខេត្ត ព្រមទាំងក្រុមការងារថ្នាក់ខេត្ត ថ្នាក់ស្រុក ចុះមូលដ្ឋានឃុំ បានអញ្ជើញប្រគេនទានវស្សា និងទេយ្យទាន រួមទាំងបច្ច័យដល់ព្រះសង្ឃគង់ចាំព្រះវស្សា ចំនួន២វត្ត គឺវត្តគោលាប់ និងវត្តច្រវ៉ា ក្នុងឃុំគោលាប់ ស្រុកចិត្របុរី ខេត្តក្រចេះ ពិធីនេះធ្វើឡើងនៅរសៀលថ្ងៃទី០៦ ខែសីហា ឆ្នាំ២០២៦ ក្នុងគោលបំណងរួមចំណែកលើកស្ទួយព្រះពុទ្ធសាសនា និងអភិរក្សប្រពៃណីដ៏ល្អផូរផង់របស់ជាតិ ។

វេទិកាសាធារណៈដើម្បីត្រួតពិនិត្យ និងគាំទ្រការអនុវត្តកម្មវិធីគោលនយោបាយយុទ្ធសាស្រ្ដ បញ្ចកោណដំណាក់កាលទី១ របស់រាជរដ្ឋាភិបាលកម្ពុជាអាណត្តិទី៧ ក្នុងឃុំដំរីផុង ស្រុកឆ្លូង ខេត្តក្រចេះ

ក្រុមការងាររាជរដ្ឋាភិបាលចុះមូលដ្ឋានស្រុកឆ្លូង នាំយកទៀនព្រះវស្សា និងទេយ្យវត្ថុ ទៅវេរប្រគេនព្រះសង្ឃគង់ចាំព្រះវស្សាចំនួន ២៤វត្ត ស្ថិតនៅក្នុងស្រុកឆ្លូង ខេត្តក្រចេះ

ថ្លែងក្នុងក្នុងកិច្ចប្រជុំបូកសរុបលទ្ធផលការងារប្រចាំខែកក្កដា ឆ្នាំ២០២៦ និងលើកទិសដៅអនុវត្តការងារបន្ត របស់រដ្ឋបាលខេត្តក្រចេះ នាថ្ងៃទី៦ ខែសីហា ឆ្នាំ២០២៦ ឯកឧត្តម វ៉ា ថន អភិបាលនៃគណៈអភិបាលខេត្ត និងជាប្រធានអង្គប្រជុំ បានធ្វើការកោតសសើរនិងវាយតម្លៃខ្ពស់ចំពោះថ្នាក់ដឹងនាំមន្រ្តីរាជការ កងកម្លាំងប្រដាប់អាវុធគ្រប់ប្រភេទ នៃរដ្ឋបាលខេត្ត ដែលបានខិតខំបំពេញភារកិច្ចការងារទៅតាមផ្នែកនីមួយ ប្រកបដោយភាពទទួលខុសត្រូវខ្ពស់ សំដៅធ្វើយ៉ាងណាបម្រើសេវាសាធារណៈជូនប្រជាពលរដ្ឋ ប្រកបដោយប្រសិទ្ធភាព តម្លាភាព និងឆាប់រហ័ស ។

កិច្ចសម្ភាសន៍ជាមួយ លោក សុខ អាង មេភូមិព្រះគន្លង ឃុំបុសលាវ ស្រុកចិត្របុរី ខេត្តក្រចេះ អំពីការជួសជុលស្ថាបនាលើកកម្ពស់ផ្លូវ ដើម្បីផ្តល់ភាពងាយស្រួលដល់បងប្អូនប្រជាពលរដ្ឋក្នុងមូលដ្ឋាន នារដូវវស្សានេះ ។

មុខរបបធ្វើនំក្រឡាន របស់បងប្អូនប្រជាពលរដ្ឋឃុំថ្មគ្រែ ស្រុកចិត្របុរី ដែលជាប្រភពចំណូលដ៏សំខាន់មួយ ដែលអាចជួយទ្រទ្រង់ជីវភាពរស់នៅ និងបញ្ជូនកូនចៅឱ្យបានរៀនសូត្រខ្ពង់ខ្ពស់ ។

នៅរសៀលថ្ងៃពុធ ទី៥ ខែសីហា ឆ្នាំ២០២៦ លោក ឈុន ដារ៉ាត់ នាយកសាខាកាកបាទក្រហមកម្ពុជា ខេត្តក្រចេះ រួមជាមួយលោកស្រី អ៊ុក ស៊ីវន្ថា នាយិការងសាខា និងសហការី បានអញ្ជើញជួបសំណះសំណាល និងទទួលថវិកាសមាជិកភាពទ្រទ្រង់ប្រចាំឆ្នាំ២០២៦ ចំនួន ២៤រូប នៃមន្ទីរអភិវឌ្ឍន៍ជនបទ ខេត្តក្រចេះ ដឹកនាំដោយលោក កៅ វិបុល អនុប្រធានមន្ទីរ និងក្រុមការងារ ដែលមានទឹកប្រាក់សរុបចំនួន ១.២៨៥.០០០ រៀល ជូនសាខាកាកបាទក្រហមកម្ពុជា ខេត្តក្រចេះ ដើម្បីបន្តនៅសកម្មភាពមនុស្សធម៌ក្នុងខេត្តក្រចេះ ជួយដល់គ្រួសារងាយរងគ្រោះ ជនចាស់ជរា ជនពិការ ស្រ្តីមេម៉ាយ កុមារកំព្រា គ្រួសាររងគ្រោះដោយគ្រោះមហន្តរាយផ្សេងៗ រួមនឹងការងារសុខភាព ការថែទាំសុខភាពក្នុងសហគមន៍ ការងារអនាម័យ ទឹកស្អាត ការងារសង្គ្រោះបឋម និងសុវត្ថិភាពចរាចរណ៍ ។ សាខាកាកបាទក្រហមកម្ពុជា ខេត្តក្រចេះ សូមគោរពថ្លែងអំណរគុណយ៉ាងជ្រាលជ្រៅចំពោះវិភាគទានដ៏ថ្លៃថ្លារបស់ លោក លោកស្រី នាង កញ្ញា និងសូមប្រសិទ្ធពរ បវរមហាប្រសើរជូនដល់ លោក លោកស្រី នាង កញ្ញា និងក្រុមគ្រួសារ ជួបប្រទះតែពុទ្ធពរទាំង ៤ ប្រការ គឺ អាយុ វណ្ណៈ សុខៈ ពលៈកុំបីឃ្លៀងឃ្លាតឡើយ ៕

រសៀលថ្ងៃពុធ ទី៥ ខែសីហា ឆ្នាំ២០២៦ នៅសាលប្រជុំផ្ការំដួលសាលាខេត្ត លោក ហង់ ចាន់ឌី អភិបាលរងខេត្ត និងជាប្រធានអនុគណៈកម្មការ អញ្ជើញដឹកនាំកិច្ចប្រជុំអនុគណៈកម្មការពិធីការ បដិសណ្ឋារកិច្ច និងអនាម័យ ដើម្បីត្រៀមរៀបចំពិធីសម្ពោធបើកឱ្យប្រើប្រាស់ជាផ្លូវការកំណាត់ផ្លូវជាតិលេខ៧៣ ផ្លូវខេត្តលេខ៣៧៧ និងផ្លូវខេត្តលេខ៣៧៧A ប្រវែងសរុប ៩៨,៤០៥ គ.ម ក្រោមអធិបតីភាពដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ។